Simba SC kuigomea Kariakoo Dabi? Kisa Uwanja wa New Amaan Complex, barua yajibiwa

• Yanga SC vs Simba SC, Uwanja wa New Amaan Complex, NBC Premier League 2025/26.
• Simba SC kuigomea Kariakoo Dabi? Sababu yatajwa.
• Uongozi wa Simba SC umeandika barua Bodi ya Ligi kuhoji kuhusu mabadiliko ya uwanja kutangazwa na klabu.

Simba SC kuigomea Kariakoo Dabi? Ni swali linalohitaji majibu kutokana na tetesi kuanza kusikika. Yanga SC vs Simba SC ni New Amaan Complex, mchezo wa NBC Premier League 2025/26. Machi Mosi 2026 mchezo unatarajiwa kuchezwa, awali ulitarajiwa kupigwa Uwanja wa Mkapa.

SOMA HII: Yanga SC vs Simba SC joto linazidi kupanda/ Ratiba, msimamo

Cheza na ushinde sasa na ‘Kindege’ cha SportPesa uvune mamilioni sasa hivi

Hujashinda na kindege cha SportPesa? Sasa ni zamu yako, unaweza kushinda hadi mamilioni muda huu. Cheza mchezo wa ‘aviator’ maarufu kama Kindege. Bashiri na SportPesa uvune mkwanja sasa hivi.

Simba SC kuigomea Kariakoo Dabi? Mabadiliko ya uwanja yatajwa

Je Simba SC kuigomea Kariakoo Dabi? Majibu yatakuwa wazi hivi karibuni kutokana na fukuto linalotajwa kuendelea mitaa ya Msimbazi. Miongoni mwa sababu ni mabadiliko ya uwanja ambapo awali mchezo ulitarajiwa kuchezwa Uwanja wa Mkapa.

Taarifa rasmi iliyotolewa na Bodi ya Ligi Februari 16 ilieleza kuwa mchezo utachezwa Uwanja wa New Amaan Complex. Taarifa hiyo awali ilitolewa na Ofisa Habari wa Yanga SC, Ali Kamwe kabla ya bodi kutangaza. Mkanganyiko wa taarifa hiyo ukawaaibua Simba SC ambao wameandika barua bodi ya ligi kuhoji.

SOMA HII: Yanga SC vs Simba SC Uwanja wa New Amaan Complex/ Matokeo ya CAF Champions League

Yanga SC vs Simba SC msimamo NBC Premier League 2025/26

Ahmed Ally, Meneja wa Idara ya Habari Simba SC ufafanuzi

Ahmed Ally, Meneja wa Idara ya Habari na Mawasiliano Simba SC amekiri kuwa uongozi umeandika barua kwa Bodi ya Ligi Kuu Tanzania, (TPLB). Aliongeza kuwa mchezo wa Yanga SC vs Simba SC sio mchezo mdogo hivyo taratibu lazima zifuatwe.

“Kwanza nikiri ni kweli tumeandika barua kwenda bodi ya ligi na siyo barua ya kulalamika. Ni barua ya kutaka kupata ufafanuzi zaidi. Mkubwa halalamiki. Barua yetu sio ya kulalamika yaani sisi Simba SC tumlalamikie nani? Kwa sababu kulalamika umeonewa halafu unalalamika. Sisi Simba SC nani wakutuonea nchi hii?

“Sisi tumeandika barua yakutaka kupata ufafanuzi juu ya baadhi ya mambo kuelekea mchezo wetu wa Machi Mosi. Hatutapenda kuweka wazi ni mambo gani ambayo tunataka kupatiwa ufafanuzi.

“Tunafanya hivyo ili kuepusha taharuki. Kwa sababu mechi ya Simba SC na Yanga SC ni mechi kubwa. Tumeandika hiyo barua imekwenda bodi ya ligi na mambo yanakwenda vizuri kwelikweli.

“Tusingependa kukimbilia kwenye jamii kwa kuwa mechi ya Simba SC na Yanga SC ni kubwa. Tumeandika hiyo barua imekwenda Bodi ya Ligi na barua imefika kwa bodi ya ligi. Na tumeshapata majibu na mambo mengine yataendelea.

Je Simba SC wanaogopa mchezo wa Kariakoo Dabi?

“Sisi hatuogopi chochote, ambacho tunahitaji kuona ni kwamba kila kitu kinakwenda vizuri. Tupate uhalali wa kikanuni juu ya mambo haya. Kinachotushangaza sisi taarifa ya mabadiliko ya uwanja wa mchezo kwa nini yatangazwe na klabu kabla ya mamlaka ya mpira?

“Haijawahi kutokea mabadiliko ya uwanja yanatolewa na klabu kabla ya bodi ya ligi. Hapo ndipo tulipopata mashaka. Tunavyofahamu sisi mabadiliko yoyote yanatolewa na bodi ya ligi na sio klabu ama ofisa habari wa klabu husika,” alisema Ahmed Ally, Meneja wa Idara ya Habari na Mawasiliano Simba SC.

SOMA HII: Dabi ya Kariakoo Yanga SC vs Simba SC ni Machi Mosi 2026/ NBC Premier League ratiba

Hitimisho

Simba SC kuigomea Kariakoo Dabi? Uwezekano unatajwa kuwa mdogo kutokana na mazungumzo yanayoendelea. Taarifa rasmi kuhusu hatma ya mchezo huo inatarajiwa kutolewa hivi karibuni kutoka mitaa ya Msimbazi.